မြန်မာပြည်မှာ ခုနောက်ပိုင်း Passport ကို Online ကနေ QR Code ရပြီးမှ လုပ်လို့ရသော်ငြားလည်း တနေ့တနေ့ QR booking ရဖို့ ကလည်းမလွယ်ပါဘူး။ ဒီကြားထဲ အတုအယောင် ပွဲစားနဲ့ အပ်မိလို့ QR အတု အစစ်ပြဿနာ ရုံးရှေ့ရောက်မှ ရုံးထဲဝင်လို့မရတဲ့ ပြဿနာ မျိုးတွေလည်း ခဏခဏ တွေနေရတယ်။ QR booking လုပ်ပေးရတာနဲ့တင် ၃ ၊ ၄ ၊ ၅ သောင်းယူနေကြတော့ အကောင်းဆုံးက ရုံးထဲ ဝင်ခွင့်မရမချင်း ပိုက်ဆံကြိုမလွှဲကြဖို့လဲပြောချင်ပါတယ်။
QR လိမ်ပြီးရောင်းတဲ့လူတွေက ဘယ်လိုလိမ်လဲဆိုတော့ သုံးပြီးသား QR ကို အောက်က နာမည်တွေ မှတ်ပုံတင်အမှတ်နေရာမှာ photo editor တခုခုနဲ့ ပြင်ပြီး ဖျက်ရေးကြတယ်။ တခါတခါ QR ကမှန်ပေမဲ့လည်း website မှာ သွားစစ်လိုက်ရင် Data Not Found တွေ့ရတတ်တယ် ၊ ဘာလို့လဲဆိုတော့ booking လုပ်တုန်းက ကိုယ်နာမည်နဲ့ မှတ်ပုံတင်နံပါတ်ကို zaw gyi font နဲ့ တင်ပြီး ကိုယ်ကပြန်စစ်တဲ့ အခါ Unicode နဲ့ လွဲနေတာမျိုးလဲ ကြုံရတတ်တယ်။ အကောင်းဆုံးက QR ယူတဲ့ အခု ကိုယ့်ရဲ့ email address ကိုတခါတည်း ပို့ခိုင်းလိုက်တာအကောင်းဆုံးပါပဲ။ ဒါမှမဟုတ်လည်း ကိုယ့်အသိတယောက်ယောက်ရဲ့ email address ကိုတောင်းပြီးပို့ခိုင်းလိုက်ပါ (ဥပမာ [email protected] တဲ့ gmail ဟာ email address ပါပဲ)။ နောက်ပြီးတော့ ကိုယ့်ကို email ပို့တဲ့လူက [email protected] ဖြစ်ရပါမယ် ၊ မဟုတ်ရင်တော့ အတုပါ။ အောက်က ပုံမှာ ကျွန်တော့်ဆီရောက်လာတဲ့ တကယ့် email အမှန်ကို နမူနာပြထားပါတယ်။
